En Regedieb
Pfälzer Lyrik: Bernd Schwab (2025)
Original: Radiohead - Creep (1992)
So viermol innem Johr
Do fallt mers widder oi
Do kummt ä Ab-buch-ung
Do kinnt isch grad schrei'
Fers Niederschlaachswasser
Fer de Resche uffs Lond
Was kinnt mer do mache?
Ga-rantiert ah' net lache
En Regedieb
Den wer' isch mer kaafe
Ja donn greif ischs Wasser ab
Wonn isch's schun muss zahle
Behälter missen her
Wu gonz viel noi basst
Wonn isch schun muss bleche
Fer des Wasser der Fläsch'
Jetzt kinnts ach grad reschne
Gerischt wär-isch jo
Doch die Sunn gibt ihr Beschdes
Is prinzipiell a' nix Schlechtes
En Regedieb
Den wer' isch mer kaafe
Ja donn greif ischs Wasser ab
Wonn isch's schun muss zahle
Oooh, oooh
's isch so trucket wie die Sau
's isch so trucket
Isch waad, waad, waad, waad
Waad
Jetzt fongt's oh zu resch'ne
Die Brie muss ins Faß
Kubikmeter - Viel Lidder
Fers Wasserwerk gonz schäh bitter
En Regedieb
Den wer' isch mer kaafe
Ja donn greif ischs Wasser ab
Wonn isch's schun muss zahle
Wonn isch's schun muss zahle