Sprudel saufe lohnt sisch net
Pfälzer Lyrik: Sebastian Deuber (2005)
Original: Siw Malmkvist - Liebeskummer lohnt sich nicht (1964)
Domols vor lange Johr, om Sack war'n noch kä Hoor
Do machsch'd dich uff zur Kerwe in die Stadt,
De Summer war so hääß, du hatsch'd Dorschd wie e Gääß
Do gab der'n alde Säufer en guude Rot. Jawoll
Sprudel saufe lohnt sisch net, ihr Buwe (oh no)
Schade um des, was'd defier bezahlschd (oh yeah)
Sprudel saufe lohnt sisch net ihr Buwe,
weil nur'n Schorle so richdich glicklich macht
Du denkschd der "Alla hopp", un schiddscht ders in de Kopp
De alde Mann, der wäß beschdimmt Bescheid
Vun dort ab wars vorbei mit Stress un Plackerei
Du mach'sch der äfach nur e guudi Zeit. Jawoll
Sprudel saufe lohnt sisch net, ihr Buwe (oh no)
Schade um des, was'd defier bezahlschd (oh yeah)
Sprudel saufe lohnt sisch net ihr Buwe,
weil nur'n Schorle so richdich glicklich macht. Solo
Ooooooo...
Jetzt ligschd im Kronkehaus - doi Lewwer, die muss naus
Un du brau'g'schd ziemlich schnell e Transplantat
De Dokder der sacht "Monn, - was denken sie sich donn?"
Du hoscht fer ihn die Weisheit glei parat | Jawoll
Sprudel saufe lohnt sisch net, ihr Buwe (oh no)
Schade um des, was'd defier bezahlschd (oh yeah)
Sprudel saufe lohnt sisch net ihr Buwe,
weil nur'n Schorle so richdich glicklich macht
weil nur'n Schorle so richdich glicklich macht. Ja!