Zu bleed

Pfälzer Lyrik: Sebastian Deuber (2025)
Original: Die Ärzte - Zu spät (1985/1988)

Warum hoschd du mär de Rigge gekehrt?
Isch habs nur, dursch de Buschfunk geheert
Du spielschd in ennre neie Band
Was soll ich saache, ich hedd beinoh geflennt

Ja, bei WhatsApp hoscht misch blockiert,
zeigschd de Middelfinger uuhscheniert
Mit denne spielschd die geilschde Gigs
doch bei uns do wurd des nix

Wied' saagschd du braugschd Professijonalidääd
Merk isch, wie gern isch dir Änni batsche deed

Doch isch wer ah mol triumphiere
Irschendwonn werd's donn a fungzjoniere
Donn bin isch de Held, spiel uffem "Babbel doch"
un donn ärscherscht du dir hinne e zwäddes Loch

Zu bleed, zu bleed, zu bleed
Pälzisch war där zu bleed
Zu bleed, zu bleed, zu bleed
Dir war alles zu bleed

Mit denne bischt uffem Plätzel-feschd gewese
Isch hab där bloß moi Pälzer Texte vorgelese
Ihr spielt die Hauptbiehn uffem Londauer Summer
un henn hinner de Biehn immer Sekt un Hum..

...Mär recherchiert jetzt, henn ihr was druff
Oder ertraacht mer's nur im Suff
Die greeschde Gurke, ja do im Lond
Ahjo mir spiel'n eisch on die Wond

Isch dacht so gut wie mir, des sinn ihr nie
Doch ihr warn all uff de Popakademie

Doch isch wer ah mol triumphiere
Irschendwonn werd's donn a fungzjoniere
Donn bin isch de Held, spiel uffem "Babbel doch"
un donn ärscherscht du dir hinne e zwäddes Loch
 
Zu bleed, zu bleed, zu bleed
Pälzisch war där zu bleed
Zu bleed, zu bleed, zu bleed
Dir war alles viel zu bleed