Blutworschd, mach ä Pund, Lewwerworschd ä Kilo

Pfälzer Lyrik: Sebastian Deuber (2025)
Original: Bloodhound Gang - Foxtrot Uniform Charlie Kilo (2005)

Ja heit frieh, do gings schun los
wu isch in die Kisch kumm
nix Gescheides mehr im Haus,
unn isch Gugg nur sau dumm

Alla guud, denk isch mer donn
isch loss misch net stresse
Geh isch halt zum Metzger hie - Uh-la-la
hol mer was zu' Esse

Dem Bu, dem knurrt de Maache
Des muss doch ä End do hawe
Konn isch ausdricklich saache
Wie isch on de Metzgerthek steh
Mit moine große Aache
all des leckre Zeisch seh…
Saach isch donn: Pack mer mol gescheit was oi

Blutworschd: Mach ä Pund | Lewwerworschd: Ä Kilo
Blutworschd: Mach ä Pund | Lewwerworschd: Ä Kilo

Brauch noch Senf-Gurke im Glas
Unn än Leeb Schwarzbrot
So allmählisch hoff isch jo
geht's uhne Hungerdood

Kaaf noch Grumbeere dezu,
so ä, zwä, drei Netze
Dreggisch Grumbeer in de Ponn - Uh-la-la
ah jo, des dud fetze

Fers perfekt Pälzer Esse
derf isch ebbes net vergesse
Schwaademaache, zwä, drei Doose
naddierlisch nur die Grooße
Lewwerkneedel, Sawwerkraut
ach wonns des Ventil naushaut
Saach isch donn: Pack mer mol gescheit was oi

Blutworschd: Mach ä Pund | Lewwerworschd: Ä Kilo
Blutworschd: Mach ä Pund | Lewwerworschd: Ä Kilo

Pack die Hausmacher in die Oikaafsdasch

Flott jetzt!