Ereilt

Musik & Pfälzer Lyrik: Bernd Schwab & Simon Kasper (2008)
Eigenkomposition

Kummscht du uff dere Welt do oh
Do laaft alles, do bischt du froh
Doch irschendwonn, do wärd där klar
Die Laach isch onnerschd als se war

Des Lerne schoint es nimmt kä End
So monsch gar wischdisch Stunn verpennt
Egal wonn Fehler ach gemacht
Es folgt än Daach un's folgt ä Nacht

Nemm des Leewe, wie es kummt
So long doi Stimm noch net verstummt
werscht du g'hert, wonn du was machscht
Bass uff, dass'd doi Zeit net ver-bascht

Leb doi Zeit | Stoß mit uns oh - nemm was där bleibt
Leb doi Zeit | Weil uns immer was ereilt

Wonn du ach mol om Bodde ligscht
Die Welt ämol von unne sigscht
Donn heb doi Fauscht und heb Doi Glas
So long doi Ding steht geb gut Gas

Guck genau was iwwrisch bleibt
Monschmol isch doi Ziel ach zu weit
Doch wonn du willscht, donn krigscht du's ach
Jeden Wunsch - un jedi Sach

Nemm des Leewe, wie es kummt
So long doi Stimm noch net verstummt
werscht du g'hert, wonn du was machscht
Bass uff, dass'd doi Zeit net ver-bascht

Leb doi Zeit | Stoß mit uns oh - nemm was där bleibt
Leb doi Zeit | Weil uns immer was ereilt