Landau ruft misch

Pfälzer Lyrik: Sebastian Deuber (2025)
Original: The Clash - London Calling (1979)

Landau ruft misch, es isch Wocheend,
die neggschde zwä Daach find' die Paady kä End
Landau ruft misch, uffem Markt oikaafe,
donn ä bissl dursch'd Fußgängerzoon laafe
Landau ruft misch, 's isch Londauer Summer,
do muss isch immer hie, isch bin jo kän Dummer
Landau ruft misch, in de Vorwoihnachtszeit,
en schänere Markt suchschd long weit un breit

Die Siedpalz, die hot do halt ihr Metropol
Des muschd du erleewe, donn glaabschd mer des wohl
So monsch onres Schdäddche is neidisch ehr Leit
Isch lieb moi Landau in de Palz fer alle Zeit

Landau ruft misch, do konnsch'd was erlewe,
im Vergleich konnsch'd onn're Städt de Hase gewe
Landau ruft misch, ach zum Herbscht- un Maimarkt,
zuminischens als Bu fand ich des saustark
Landau ruft misch, ja frieher ins MASH,
abgschdannes Bier fer dreifuchzisch Cash
Landau ruft misch, fer im Park zu chille,
uff de Wies zu döse unn'd Langweile kille

Die Siedpalz, die hot do halt ihr Metropol
Des muschd du erleewe, donn glaabschd mer des wohl
So monsch onres Schdäddche is neidisch ehr Leit
Isch lieb moi Landau in de Palz fer alle Zeit

Landau ruft misch, un isch saach wie isch's mään,
egal wu ich wohn, nur do bin isch dehäm
Landau ruft misch, s' isch ä Drama, heär zu,
in Wirklischkeit wohn ich längschd onnerschdwu

Landau ruft misch…
Drum muss isch widda dohie