Safte- vs. Musebrot

Pfälzer Lyrik: Bernd Schwab (2025)
Original: Papa Roach - Last Resort (2000)

Wonn isch om Morsche uffsteh
Will isch moi Saftebrot
Kän Kees, unn kän Uffschnitt
Doch voll egal, wonn isch mär des do noihau

Isch will moi Muse-brot

Wach grad uff, ligg im Nescht noch
De Wegger rabbelt, hab noch die Fies hoch, so ä Plooch
Steh halt uff in de Frieh do
Do kummt de Hunger uff wie schunscht nie so

Was zieh isch noi, was loss isch soi
Wonn isch jetzt kenn Hunger hätt,
wär des jo ah gonz nett
Doch des hot mer nie erlebt
Weil Zuggerhunger net vergeht

Isch nemm Erdbeermus glei, Kersch noch debei
Quetsche, Quitte, Konztrauwe foi
Erdbeermus glei, Kersch noch debei
Quetsche, Quitte, Konztrauwe foi

Isch schmier mers druff, awwer ach net zu dinn
wonn isch noibeiss, muss im Mund soi drin
Im Maache, ja die Verbrennung, de Brei dut drin schwimm
Un de Ronze? Bestimmt net schlimm

De Daach laaft los, Kraft wie die Sau voll do
Do staunen se all, wie isch die Ärwet weg knall
Gugge | Noch mehr Schneeges, en Zugger-Flash
Finne | Nur Protein unn Kerner, net so fesch

Isch nemm Erdbeermus glei, Kersch noch debei
Quetsche, Quitte, Konztrauwe foi
Erdbeermus glei, Kersch noch debei
Quetsche, Quitte, Konztrauwe foi

Was werden soi? Brot, muss jetzt noi
Unn wonns basst, donn noch mehr noi!
Noch mehr noi! Noch mehr noi!
Noch mehr noi! Noch mehr!

Halt misch zurig, isch explodir

Misst uff'd Brems geh, schunscht kinnt's schief geh
Ach wonn's noch so schmeckt!